Në fshatin ukrainas Serhiivka, në rajonin lindor të Donbasit, pothuajse nuk ka mbetur asnjë i ri. Deri vonë kishte 1 500 banorë në Serhiivka dhe një e diel në pjesën qendrore të fshatit do të ishte plot jetë.

Por fshati, rreth 50 km nga vijat e frontit në lindje dhe jug është zbrazur. Kanë mbetur vetëm 300 veta dhe kryesisht janë të moshuar.

“Kam jetuar këtu gjatë gjithë jetës sime”, ka thënë Mykola Luhynets, një 59-vjeçar, pjesëtar i ri i njësive të mbrojtjes territoriale me pushkë. “Unë do të qëndroj këtu në Serhiivka dhe do ta mbroj nëse është e nevojshme”, ka thënë ai, shkruan “BBC”, përcjell “Abcnews”.

Ndryshimi demografik i parë këtu po ndodh në të gjithë pjesët e Ukrainës nën kërcënim, të rinjtë lëvizin në zona më të sigurta ndërsa të moshuarit qëndrojnë.

“Është e vështirë për të moshuarit të dalin në rrugë”, ka thënë Valeriy Duhelnyy, kreu i fshatit.

“Dhe ndoshta disa janë sentimentale, ata kanë lidhje më të forta emocionale me vendin ku jetojnë. Nuk duan të vdesin askund përveç në shtëpi”, është shprehur ai.