Për shkak të thatësisë dhe temperaturave të larta që po mbretërojnë këto ditë në vendin tonë, janë shpeshtuar ndezjet e pyjeve.

Ekipet zjarrfikëse të FSK-së, të martën dhe të mërkurën janë angazhuar në mbështetje të pushtetit lokale për shuarjen e zjarreve në malet e Llaushës, Rakinicës dhe të fshatit Qubrel, Komuna e Skenderajt dhe në fshatin Vranidoll, Komuna e Prishtinës.

Në këto operacione është angazhuar Njësia e Task Forcës e FSK-së, me 33 pjesëtarë dhe shtatë automjete, të cilët që nga dita e martë kanë arritur t’i shuajnë zjarret në pjesën më të mëdha të pyjeve të këtyre anëve.

Ndërkaq, të mërkurën operacioni për shuarjen e zjarreve po vazhdon në fshatrat Llaushë, Qubrel dhe Vranidoll.

“Bëjmë apel te të gjithë qytetarët e Kosovës që të mos i ndezin mbeturinat dhe djerrinat sepse në këtë mot të thatë lehtë shkaktohen dëme në malet e Kosovës”, është thënë në njoftimin e Ministrisë së Mbrojtjes.

/Epoka e re/