Pjesëtarë të Forcës së Sigurisë së Kosovës (FSK), bashkë me një skuadër nga Forcat e Armatosura të Shqipërisë e në koordinim me ambasadën e Mbretërisë së Bashkuar kanë realizuar ushtrimin fushor “Camprep24”.

Sipas FSK-së, ky ushtrim është në kuadër të përgatitjeve për pjesëmarrjes në garën “Cambrian Patrol 2024”, ku skuadrat, siç është thënë kanë testuar dhe kaluar sfidat e ngjashme që do të jenë gjatë realizimit të kësaj gare.

“Skuadrat treguan disiplinë, motiv e përkushtim të lartë, duke bërë më të mirën për të përfaqësuar vendet tona në garën më të madhe të ushtrive të botës siç është gara ‘Cambrian Patrol’”, ka njoftuar FSK-ja.

Gara “Cambrian Patrol” realizohet çdo vit në Mbretërinë e Bashkuar, me pjesëmarrjen e një numri të madh të ushtrive nga të gjitha vendet e botës.