Dhoma e Monitorimit të Zhurmave dhe pajisjeve për matjen e zhurmës, të instaluara në lokalet e gastronomisë është vënë në funksion nga sot.

Kryetari i Prishtinës, Përparim Rama tha se të gjitha bizneset që nuk e respektojnë rregulloren në fuqi për nivelin e zhurmës, do të gjobiten nga 1000 deri në 3000 mijë euro.

Sipas tij, me vënien në funksion të këtij sistemi që mundëson monitorimin online, fillimisht do të ketë vërejtje për bizneset e më pas edhe gjoba e nëse nuk përfillet asnjë masë mund edhe të ketë mbyllje të biznesit.

Rama pohoi se Prishtina do të jetë liderë në botë me vënien në funksion të këtij sistemi të monitorimit. /EO