Qeveria e Kosovës ia ka vazhduar mandatin edhe për dy vjet tjera, Komisionit Qeveritar për Njohjen e Statusit të ish të Burgosurve, të Dënuarve dhe të ish të Përndjekurve Politikë. Komisioni ka këtë përbërje:

Fadil Bunjaku, Bora Duli, Jahë Gecaj, Hydajet Hyseni, Berat Luzha dhe Mazllum Baraliu.

Kështu është bërë e ditur nga Zyra e Qeverisë së Republikës së Kosovës, që mban nënshkrimin e kryeministrit, Albin Kurti.

Njoftimi i plotë:

Komisioni Qeveritar për Njohjen e Statusit të ish të Burgosurve, të  Dënuarve dhe të ish të Përndjekurve Politikë, në bazë të vendimeve nr.11/191 dhe 12/191, të dt. 05.03.2024, të nënshkruara nga Albin Kurti, Kryeministër i Qeverisë të Kosovës, njofton se i është vazhduar mandati i punës për dy vjetët e ardhshme.

Po ashtu edhe Sekretaria e Komisionit Qeveritar që udhëhiqet nga Shefik Sadiku ka bërë të ditur se kanë caktuar ditën e hënë, prej orës 10:00 – 12:00 dhe prej 13:00 – 15:00, si ditë të punës me palë.

“Sekretaria e Komisionit Qeveritar, e ka caktuar ditën E HËNE, prej orës 10:00 – 12:00 dhe prej 13:00 – 15:00, si ditë të punës me palë.

Aplikuesit e interesuar mund të  kontaktojnë zyrën e sekretarisë së KQNJSBDPP,  në objektin e Ibër-Lepencit.

Të gjithë aplikuesit, të cilët kanë me sjellë dokumente plotësuese për aplikacionin e tyre apo për ndonjë konsultim tjetër të kontaktojnë me Sekretarinë e Komisionit përmes numrit të telefonit 038 200 67 555.

Ju faleminderit për mirëkuptim”, ka shkruar ndër tjerë Shefik Sadiku, Sekretar i Komisionit.