Për të qenë gjithmonë produktivë dhe efikasë, lind nevoja e një ekosistemi që ndërlidh të gjitha pajisjet që ne përdorim. Aparatët celularë, tabletët, ora si një pajisje e zgjuar dhe jo thjesht një aksesor, na vijnë në ndihmë me kryerjen e detyrave të thjeshta, deri tek ato më të komplikuarat. Të qenët multitasking në ditët e sotme, duket se është një ‘must’ dhe jo thjesht një zgjedhje.  Shpërndarja e materialeve nga një pajisje në tjetrën pa më të voglin mundim, dërgimi i mesazheve në nxitim e sipër nga ora juaj, apo plotësimi i një tabele excel përmes telefonit, mund të duken si gjëra futuristike për disa. E për çdokush që njeh mjaft mirë fuqinë e ekosistemit Galaxy është thjesht realiteti i përditshëm. Më poshtë do të listojmë vetëm disa nga pajisjet më të fuqishme të Samsung, që do j’ua bëjnë jetën tuaj më të lehtë.

Gjenerata e pestë e pajisjeve të palosshme Galaxy: Galaxy Z Flip5 dhe Galaxy Z Fold5 janë pajisjet e palosshme që zhbllokojnë aftësi të jashtëzakonshme të aplikacioneve e shumë opsioneve të tjera që na vijnë në ndihmë në përditshmërinë tonë. Me performancë të fortë dhe një bateri të optimizuar të mundësuar nga procesori më i fundit, seria Samsung Galaxy Z transformon atë që është e mundur të bësh me një smartphone – të hapur ose të mbyllur.Me një nga këto pajisje mund të kryeni në mënyrë të pandërprerë disa detyra njëkohësisht. Por më e rëndësishmja është të shprehurit të vetvetes. Me një dritare të re Flex Window, 3,78 herë më e madhe se gjenerata e mëparshme, me një gamë të gjerë aftësish ekzistuese dhe të reja, i mbyllur, Galaxy Z Flip5apo Galaxy Z Fold5janë më të përdorshëm se kurrë më parë. Nga Flex Window, aksesoni shpejt dhe pa mundim informacione të dobishme dhe mund të bëni një sërë veprimesh, kryerje telefonatash, përgjigje mesazhesh, kontrolli i playlistët etj. FlexCam, Dual Preview, Super Steady, Auto Framing dhe shumëpërmirësime falë AI, do të shndërrojnë këdo në një artist të vërtetë.  Këto pajisje ofrojnë produktivitet të fuqishëm në një ekran të madh dhe u mundësojnë përdoruesve të kryejnë detyra të rëndësishme nga kudo.

Dhe për t’i dhënë një prekje plot stil dhe klas, portofolit të pajisjeve tuaja të plotëfuqishme Samsung, duhet të bëni tuajin aksesorin më të bukur dhe util që mund të mbani në kyçin e dorës. Galaxy Watch6 është pajisja që nuk tregon vetëm orën, por ju dikton zakone më të shëndetshme, do të ndryshojë stilin e jetës suaj dhe do t’ju afrojë drejt zgjedhjeve më të zgjuara. Nga gjumi, stërvitja, tek të dhënat mbi vlerat ushqyese, Samsung po ofron mënyra të reja dhe të përshtatshme për të ndihmuar përdoruesit të kuptojnë dhe të ndërmarrin veprime për një shëndet dhe mirëqenie më të mirë, çdo ditë dhe çdo natë. Galaxy Watch6 është krijuar për të ndihmuar përdoruesit të ndërtojnë zakone më të shëndetshme gjatë përditshmërisë së tyre e jo vetëm. Këto pajisje inteligjente do të zëvendësojnë dhjetra aplikacione e pajisje të tjera dhe do t’ju ofrojnë një përvojë premium. Seria Galaxy Watch6 ofron analiza të thella të faktorëve të rezultatit të gjumit, qasje të përshtatura të përsonalizuara për të vendosur objektiva reale fitnesi, përmes programeve të personalizuara të fitnesit dhe këshillave mbi vlerat ushqyese e shumë e shumë opsione të tjera. Kjo pajisje ndërvepron me shumë pajisje dhe aplikacione të tjera si WhatsApp, Google Calendar dhe Gmail.

Pajisjet e mësipërme janë vetëm dy nga më të rëndësishmet e një portofoli të mirëfilltë të pajisjesh të zgjuara Samsung, që plotësojnë dhe tejkalojnë nevojat e veçanta të përdoruesve të sotëm.