Bota e boksit po përgatitej për të parë një tjetër duel mes Deontay Wilder dhe kampionit në WBC, Tyson Fury.

Ky duel do të kompletonte trilogjinë mes dy boksierëve, por dueli nuk do të ndodhë. Këtë e ka konfirmuar edhe Tyson Fury, i cili tashmë synon duelin me Anthony Joshua.

“Po përgatitesha për të shkatërruar Wilderin përsëri. Një ndeshje e shpejtë dhe e lehtë. Por, Wilder dhe skuadra e tij talleshin për datën”, ka thënë Fury.

“Ata nuk donin vërtetë që dueli të bëhej; ata e dinë se si do të përfundojë. Bota e di se si përfundon: me Wilder të rrëzuar përsëri”, ka shtuar britaniku.

Si ka treguar se synon duelin me kampionin Anthony Joshua. “Jam stërvitur. Jam gati. Para vitit 2021 do të jem njeriu i vetëm në këtë planet që mban titullin e kampionit të botës për peshat e rënda”, ka shtuar ai.