Carlo Ancelotti ka folur sot për mediat para ndeshjes kundër Real Mallorcas së Vedat Muriqit, teksa ka shtuar edhe për golat që skuadra i shënoi kundër Celticut

Goli i Eden Hazard në fund të ndeshjes së kaluar kur ishin bërë 33 pasime nga skuadra e tij, për Ancelottin është një moment jashtëzakonisht i rrallë në futbollin modern.

“Goli erdhi për shkak se ne përpiqeshim që ta kontrollojmë ndeshjen me posedime dhe ne arritëm që ta shënojmë një gol, por që ishte i rrallë”, tha ai.

“Të shënoni gol pas 10 pasimeve është shumë e rrallë në këto ditë. Këto janë statistikat që na tregojnë. Statistikat që kemi parë tregojnë që sot është me lehtë që të shënon me më pak së 10 pasime. Futbolli është duke ndryshuar dhe po bëhet më shumë vertikal, në çdo vend. Posedimi në futboll është shumë pak në modë viteve të fundit”, tha ai.

Hazard, aturo i këtij goli, do të këtë mundësinë që të jetë në listën e golashënuesve edhe këtë të diele pasi që ai do ta zëvendësojë Karim Benzemën e lënduar.

“Benzema nuk do të luajë kundër Real Mallorcas apo RB Leipzigut, pastaj do të shohim për derbin kundër Atleticos”, tha trajneri i Los Blancos për gazetarët.

“Sistemi i lojës do të jetë i njëjtë. Ishte i njëjti rast edhe në ndeshjen me Celtic. Ne luajtëm mirë dhe pastaj dhe unë shpresoj që këtë ta bëjmë edhe nesër”.

Hazard ia doli mirë kur hyri në lojë kundër Celtic dhe do ta përdorë atë edhe kundër Real Mallorcas. Ndoshta Hazard nuk do të shënon më shumë gola së Benzema, por nuk është së ja kam kërkuar këtë. Ne kemi burime që ta mbulojmë mungesën e Benzemës”.

Trajneri mandej ka folur pak edhe për skuadrën e Real Mallorcas dhe atë së sa mirë mbrohet skuadra e sulmuesit kosovar, Vedat Muriqi.’

“Real Mallorca ia ka dalë të mbrohet shumë mirë në ndeshjet e fundit”, tha ai. Ata kanë marrë tri gola dhe të gjitha janë nga penalltitë. Ne kemi nevojë të përgatitemi mirë për këtë ndeshje. Mendoj se ata do të fokusohen në mbrojtje dhe në kundërsulme”, tha Ancelotti.