Superliga e Kosovës në futboll rikthehet në aksion sot (e shtunë) pas një pauze të gjatë mes dy stinorëve.

Java e 19 fillon me tri ndeshje mjaft interesante. Kampioni në fuqi i Kosovës, Ballkani, stinorin pranveror e nis në udhëtim te Malisheva, derisa Drenica përballet me Llapin, derisa Gjilani para tifozëve të vet ballafaqohet me Ferizajn.

Kryesfida e kësaj fundjave luhet në Mitrovicë, ku Trepça ’89 ballafaqohet me Dritën, ndërsa Prishtina pjesën e dytë të garave e nis në Klinë ku përballet me Dukagjinin. Të gjitha ndeshjet fillojnë në orën 13:00.