Futbollistët e Vëllaznimit ndalin bojkotin, i kthehen stërvitjeve
15 tetor 2021
| 12:20
KF Vëllaznimi nga Gjakova duket se po ka telashe financiare në këtë fillim të kampionatit.
U raportua se futbollistët “kuqezi” i kanë bojkotuar stërvitjet nga dita e hënë. Tashmë mësohet se futbollistët i janë rikthyer përsëri stërvitjeve që të përgatitet për ndeshjen e të shtunës ku udhëtojnë në Prizren për t’u përballur me skuadrën A&N.
Gazeta “Sheshi” mëson se futbollistët kanë marrë premtime që pagat shumë shpejt do t’i marrin dhe se do vazhdojnë fuqishëm drejt objektivave të klubit. Skuadra gjakovare aktualisht janë duke e kryesuar renditjen tabelore në ‘Grupin A’ të Ligës së Parë me 17 pikë të mbledhura.