Futbollisti malazez, Nikola Vukqeviq, ka thënë se ka ardhur koha që Mali i Zi ta shijojë fitoren e parë në kualifikimet e “Euro 2020”. Malazezët do të luajnë të premten ndaj Bullgarisë dhe të hënën që vjen kundër Kosovës.

“I kemi përpara dy ndeshje mjaft të rëndësishme për ne, për shkak të Kombëtares, tifozëve dhe Federatës së Futbollit. Për të gjithë ne është nder i madh ta veshim këtë fanellë dhe duhet ta bëjmë më të mirën, si në ndeshje me Bullgarinë ashtu edhe ndaj Kosovës. Ne nuk do të lejojmë që të jemi të fundit në grup”, ka thënë Vukqeviq.