Tri humbje radhazi, kundër Marseilles në Kupën e Francës, Monacos në Ligën 1 dhe Bayern Munchenit në Ligën e Kampionëve, kanë shkaktuar jo pak telashe për trajnerin e Paris Saint-Germainit, Christophe Galtier.

Në kryeqytetin francez projekti për fitimin e Ligës së Kampionëve nisi që në vitin 2011, por asnjëherë deri më tani nuk është realizuar.

Sipas informacioneve të raportuara nga shtypi transalpin, Galtier do ta drejtojë ekipin të paktën deri në ndeshjen e kthimit kundër Bayernit më 8 mars. Pas kësaj date çdo gjë mund të ndodhë, veçanërisht nëse rezultatet nuk përmirësohen. Si zëvendësues të tij përmenden Zinedine Zidane dhe Thomas Tuchel.