Shembujt e mësimdhënësve të angazhuar gjatë pandëmisë së virusit Covid-19 kudo në Kosovë, janë të shumtë, mirëpo mësimdhënës të caktuar gjatë gjithë procesit kur shkollat ishin të zbrazëta e mësimi mbahej në distancë, bëjnë dallim.

I tillë është edhe mësimdhënësi i lëndës së fizikës, Gani Xhemajli, njëkohësisht kryetar i Shoqatës së Fizicientëve në Ferizaj, i cili u prit të mërkurën në zyrën e tij nga kryetari i Komunës, Agim Aliu.

Mirënjohës për punën e jashtëzakonshme që ka zhvilluar mësimdhënësi Xhemajli u shpreh i pari i Ferizajt, Agim Aliu.

Ai ka thënë se shembujt e tillë duhet të shërbëjnë si model në mesin e mësimdhënësve që mbi të gjitha spikasin përkushtimin, dashurinë dhe vullnetin e pashoq për të mbjellë dijen tek nxënësit.

Në anën tjetër, mësimdhënësi i fizikës, Gani Xhemajli ka theksuar se gjatë gjithë jetës së tij profesionale, ka pasur një dhe vetëm një qëllim, atë të avancimit dhe konkretizimit të dijeve të nxënësve në fushën e fizikës.

(Q.R / Epoka e re)