Mbrojtësi i Valencias, Ezequiel Garay është lojtari i parë i La Ligas që është konfirmuar se është i infektuar me koronavirus, shkruan gazeta “Marca” të dielën.

Garay ka dhënë lajmin në rrjetet sociale.

“Është e qartë se kam nisur vitin 2020 në mënyrë të keqe. Jam testuar pozitiv me koronavirus. Ndjehem mirë dhe tash duhet të ndjeku urdhërat e autoriteteve shëndetësore dhe të qëndroj i izoluar”, ka thënë Garay.

Gjithë skuadra e Valencias është testuar disa ditë më praë dhe argjentinasi Garay është i pari që ka dal pozitiv. Gjithë kolegët dhe puntorët që kanë qenë në kontakt me të do të futen në karantinë.