Francezi Rudi Garcia është emëruar trajner i Belgjikës. 60-vjeçari zëvendëson italianin Domenico Tedesco, i cili u shkarkua javën e kaluar pas më pak se dy vitesh në post. Puna e fundit e Garcias ishte në skuadrën e Serie A, Napoli, por ai u shkarkua pas vetëm 16 ndeshjesh në krye në 2023.

Ai do të prezantohet zyrtarisht në një konferencë shtypi të premten. Para se të merrte detyrën në Napoli, Garcia i cili gjithashtu ka drejtuar Lille, Marseille dhe Lyon dhe ka kaluar tre vjet te Roma, pastaj mori drejtimin e Al Nassr në Ligën Pro Saudite në 2022.

Ai u largua nga klubi me marrëveshje të përbashkët pas 10 muajsh në krye. Belgjika, e cila renditet e teta në renditjen botërore të FIFA-s, përballet me Ukrainën në “play-off” të Ligës së Kombeve në mars, shkruan BBC.