Dega e PDK-së në Viti, ditë më parë ka propozur kandidat për deputet të Kuvendit të Kosovës që do të garoj në zgjedhjet që do të mbahen me 9 shkurt 2025, Prof. Dr Sylejman Berishën. Berisha që nga viti 2010 është ligjërues në Fakultetin e Edukimit, departamenti për mësimdhënie lëndore me specializim në Teknologjia me TIK. Prof. Sylejman Berisha ka mbaruar shkollën e mesme në Viti drejtimi Fizik-Kimi pastaj ka mbaruar Fakultetin e Xehetarisë dhe Metalurgjisë drejtimi i Teknologjisë në Mitrovicë. Studimet posdiplomike-Magjistraturën e ka mbaruar në Zagreb në drejtimin; Mbrojtja e Mjedisit. Në vitin 2006 ka mbrojtur titullin e doktoraturës në lëmin e Mbrojtjes së Mjedisit me specifikim trajtimin e ujërave të ndotura.

Sylejman Berisha ka jetuar dhjetë vite në Munchen të Gjermanisë dhe atje pasi fiton të drejtën e qëndrimit vazhdon shkollim pasuniverzitar-specializim gjithashtun në mbrojtje të mjedisit duke u Qertifikuar përgjegjës për menaxhim të problemeve mjedisore (mbrojtje të ujit, menagjim të mbeturinave, mbrojtje të ajrit dhe menaxhim të mbeturinave të rrezikshme. Punoi disa vite në ndërmarrjet RWE Umwelt në Munchen si përgjegjës për mbeturina të rrezikshme dhe në vitin 2003 kthehet vullnetarisht nga Gjermania në Kosovë. Fillimisht ka punuar në MMPH si kryeinspektor i ujërave të Kosovës. Eshtë i licensuar nga Ministria e Mjedisit dhe Planifikimit Hapësinor si ekspert i elaborateve mjedisore për projektet që duhet t’i nënshtrohen këtij aspekti. Sylejmani ishte anëtari i Bordit Këshilldhënës për mjedis i Qeverisë dhe Parlamentit të Kosovës. Kompetencat profesionale të Prof. Sylejman Berishës janë Energjia dhe Efiqenca e energjisë si dhe Memaxhimi i problemeve mjedisore.

Profesor Berisha që nga viti 2008 kryen punën e drejtorit të shitjes në ndërmarrjen Gjermane Knaufinsulation për Kosovë e Shqipëri, ndërmarrja ofron materiale termoizoluese të kategorisë së lartë të qëndrueshmërisë kundër zjarrit. Profesori merret zhvillimin e 4.3 ha Plantacion me arra dhe tani janë në vitin e pestë të zhvillimit të tyre. Hobi ka futbollin dhe ecjen dhe herë pas here shkruan artikuj me tematika profesionale e politike.