Shefi i grupit parlamentar të Lidhjes Demokratike të Kosovës, Arben Gashi, e ka ngacmuar para fillimit të seancës konstituive të Kuvendit ish-bashkëpartiakun e tij, deputetin Faton Pecin.

Para nisjes së seancës, Gashi me shaka i ka sugjeruar Pecit që të ulet në anën e ulëseve nga radhët e deputetëve të LDK-së.

Seanca konstituive e Kuvendit ka nisur. Ajo po udhëhiqet nga deputeti më i vjetër, Avni Dehari dhe deputetja më e re, Adelina Grainca.

Në këtë seancë pritet që të zgjidhet edhe kryetari i ri i Kuvendit. Këtë post pritet ta marrë Glauk Konjufca.