Kandidati për deputet i Partisë Demokratike të Kosovës (PDK), Kujtim Gashi, ka vizituar Alush Krushën nga Ortakolli i Prizrenit, të cilin e ka vlerësuar si njërin ndër kontabilistët më të respektuar në vend.

Gashi, i cili garon me numrin 15-të, ka thënë se Alush Krusha është shembull frymëzimi për të gjithë.

“Sot pata kënaqësinë të vizitoj Alush Krushën, 92-vjeçarin e njohur si një ndër kontabilistët më të respektuar në vend. Në banesën e tij të thjeshtë në lagjen Ortakoll, ndamë biseda mbi përvojat e tij të jashtëzakonshme dhe vlerat që e kanë udhëhequr gjatë jetës. Figura e tij mbetet një shembull frymëzimi për të gjithë ne”, ka shkruar Gashi në “Facebook”.