Profesori universitar, Ibrahim Gashi, ka thënë se Rambuje mbetet një nga konferencat më të rëndësishme ndërkombëtare për shqiptarët krahas asaj të Londrës (1912/13).

“Megjithatë, dallimi është substancial. Në të parën shqiptarët u shpërfillen, sepse nuk arritën të krijojnë një levizje të fuqishme të rezistencës. Në Rambuje delegacioni kosovar (shqiptar) i prirë nga lideri i UÇK-së arriti të këmbëngul për pavarësinë dhe ia doli. Pra lufta e UÇK-së është realpolitika e shqiptarëve, e cila determinoi marrëveshjen që i hapi rrugë çlirimit dhe pavarësisë”, ka shkruar Gashi në llogarinë e vet në “Facebook”.