Shefi i grupit parlamentar të Lidhjes Demokratike të Kosovës (LDK), Arben Gashi, ka thënë se të enjten përpos Raportit të Progresit, në rend dite janë edhe disa marrëveshje ndërkombëtare.

Sa i përket marrëveshjeve ndërkombëtare, Gashi ka thënë se deputetët e LDK-së do të votojnë pro tyre.

Ndërsa sa i përket dhënies së nënshkrimeve për ta dërguar presidenten Vjosa Osmani në Gjykatën Kushtetuese për mosdekretimin e kryeprokurorit të shtetit, Gashi ka thënë se do ta presin përfundimin e procesit për të vazhduar më tutje.