Shefi i grupit parlamentar të Lidhjes Demokratike të Kosovës (LDK), Arben Gashi, ka kritikuar Qeverinë e Kosovës lidhur me menaxhimin e situatës në Deçan.

Gashi ka thënë se reagimi institucional në lidhje me ndodhitë në Deçan ishte shumë i vonshëm.

Ai është shprehur se nuk ka ndodhur asnjëherë, siç ka thënë ai me buxhet të shtetit, që një kryeministër të qëndrojë në një konferencë internacionale në Greqi, ku sipas tij flitet për ide komuniste.

“Për herë të parë në historinë e Kosovës një kryeministër me buxhet shteti qëndron në një konferencë internacionale në Greqi, ku flitet për ide komuniste. Ky kryeministër ka dështuar me u përgjigj në Deçan për të mirën e qytetarëve. Qëndron me paret e buxhetit me familje”, ka thënë Gashi në Kuvendin e Kosovës.