Atalanta e Berat Gjimshitit po kalon një moment fantastik teksa e shohin veten në krye të Serie A, por Real Madrid dhe Liga e Kampionëve është një tjetër histori, kjo është pa diskutim një test i fortë për ekipin bergamaskt, një test për të kuptuar forcën e vërtetë të këtij ekipi.

“Ka shumë emocione miske përpara këtij takimi, për Bergamon ky do të jetë një takim i bukur, do të ketë një entuziazëm të madh pasi luajmë kundër ekipit më të titullar në botë. Duhet të jemi të kujdesshëm pasi përballë kemi një ekip të një niveli shumë të lartë”, u shpreh Gian Piero Gasperini në konferencë për shtyp.

“Njerëzit thonë se ata janë në krizë, por mua nuk më duket kështu, janë gjithnjë aty, në krye, kanë lojtarë të nivelit shumë të lartë dhe një trajner si Carlo në pankinë. Ne jemi pjekur mjaftueshëm për të qëndruar me këmbë në tokë”, ka shtuar Gasperini.