Shoqata e Gastronomëve të Kosovës ka kërkuar nga të gjithë gastronomët që t’i respektojnë masat anti-Covid.

Përmes një komunikate për medie, kjo shoqatë u ka bërë thirrje gastronomëve që të të mos lejohen në lokale klientët e pavaksinuar.

“Duke e ditur rëndësinë e respektimit të masave së pari në mbrojtjen e shëndetit publik, është evidente që ajo luan një rol jashtëzakonisht të madh edhe në kujdesin ndaj shëndetit ekonomik. Pra: Të ndalojmë rreptësisht hyrjen në lokal të klientëve të pavaksinuar;  Të sigurohet respektimi i udhëzuesve të Ministrisë së Shëndetësisë; Të respektohet orari i lejuar i punës”, është thënë në komunikatë.