“Neue Zürcher Zeitung (NZZ)”, medium i njohur nga Zvicra, ka shkruar një artikull rreth dialogut mes Kosovës dhe Serbisë, duke komentuar situatën aktuale.

Sipas “NZZ”-së, asnjëra palë, pra as Kosova e as Serbia nuk janë të gatshme të zbatojnë marrëveshjen e arritur vitin e kaluar.

“Arsyeja e bllokimit qëndron diku tjetër: as Beogradi dhe as Prishtina nuk janë të gatshëm të zbatojnë marrëveshjen që BE-ja ua prezantoi në shkurt 2023. Ajo që dukej si një zbulim në atë kohë, rezulton të jetë një gjë jo fillestare në retrospektivë”, shkruan “NZZ”-ja.

Më tutje, medium zviceran ka shkruar se përderisa kryeministri i Kosovës, Albin Kurti, është në nguti, presidenti i Serbisë, Aleksandër Vuçiq shpreson në një shans të ri me Donald Trumpin, kandidat për president i ShBA-së.

“Vuçiqi shpreson për një shans të ri me Trump në Shtëpinë e Bardhë. Vuçiqi po luan me kohën. Ai shpreson që Donald Trump të bëhet sërish president amerikan në vjeshtë. Me të në Shtëpinë e Bardhë, kalkulimi bëhet kartat për çështjen e Kosovës mund të riorganizohen sërish”, shkruan “NZZ”-ja.