Gazetari Halil Berisha ka vazhduar dëshminë e tij në rastin e krerëve të Organizatës së Veteranëve të luftës së UÇK-së, Nasim Haradinaj dhe Hysni Gucati.

Ai nga prokurori i specializuar është pyetur lidhur me disa shkrime të publikuara në mediumin ku ai punonte.

Pas përfundimit të pyetjeve nga prokurori, gazetari Berisha është pyetur nga avokati i Nasim Haradinajt, nëse ka qenë ndonjëherë më parë i intervistuar nga Gjykata Speciale.

“Kam qenë i intervistuar në Kosovë”, ka thënë ai.

Më tutje, avokati ka pyetur Berishën edhe për kohën se kur është intervistuar. Ai e ka pyetur gazetarin Berisha nëse intervistimi është bërë më 25 gusht të këtij viti.

“Po me sa më kujtohet”, ka thënë ai.

Më tutje, avokati i Haradinajt e ka pyetur Berishën se në çfarë cilësie është intervistuar.

“Po i kam pyetur dhe më kanë thënë që nuk jam në cilësinë e të dyshuarit”.

“Unë jam gazetar dhe nuk e kam pritur që ka me u ftuar as për intervistim si dëshmitarë dhe as si i dyshuar sepse unë e kam kryer punën time në përpikëri dhe profesionale. Se kam pritur së pari që ka me qenë i ftuar. Kur më është bërë ftesa unë kam kërkuar që bashkë me mua të jetë edhe avokati Arianit Koci”, ka thënë Berisha.