Që nga debutimi i tyre në tapetin e kuq si çift i martuar në Golden Globes 2015, aktori 62-vjeçar George Clooney dhe avokatja e të drejtave të njeriut, 45-vjeçarja Amal Clooney janë bërë një nga çiftet më të dashur të Hollivudit.

Së fundmi çifti, i cili zakonisht e mban jetën private larg vëmendjes, u shfaq në premierën e filmit të ri të George Clooney, “The Boys on the Boat”, ku ka bërë disa komente të papritura.

Aktori pranoi se nuk ishte aq i sigurt për pamjen e tij kur ecte në tapetin e kuq me gruan në krah.

“Unë jam gjithmonë i turpëruar sepse kam veshur diçka që e kam veshur rreth 1000 herë,” tha Clooney, duke shpjeguar se Amal është gjithmonë e bukur.

George Clooney, si një bashkëshort krenar, bën shaka se ndihet i “ofenduar” nga vëmendja që merr Amal.

“E gjithë karriera ime tani ka ardhur duke qenë një plus për Amal ”, tha aktori duke qeshur.

“Unë shkova në një nga ato konferenca për gratë disa vjet më parë dhe mu desh të prezantohesha si ‘burri i Amal Clooney’ sepse, sinqerisht, emri im nuk kishte rëndësi.”

Megjithatë, fuqia e kombinuar e të dy yjeve dhe kimia që duket se kanë sa herë që shfaqen në publik, i bën ata një nga çiftet më të dashur të momentit.