Gerta Hoti ka lindur më 14 janar 2010 në Nicë të Francës, por nga viti 2013 ajo jeton me prindërit e saj në Prishtinë.

Që kur kishte filluar në klasë të parë, Gerta kishte shpërfaqur talent për t’u marrë me aktivitete sportive. Sportet me të cilat deri me tani është marrë janë noti, pingpongu, atletika, futbolli e më së shumti basketbolli, me këtë të fundit merret aktivisht.

Gerta tanimë ka dy vite që aktivisht merret me basketboll dhe wshtw pjesw e Klubit të Basketbollit “Prishtina e Re” në Prishtinë. Meqë ajo po shpërfaqte potencial premtues për të ardhmen e basketbollit të femrave në Kosovë, ishte rekomanduar nga klubi që të fillonte edhe me ushtrime të rregullta individuale, e tëra kjo për kapur rezultate sa më të mira. Dhe në fakt ashtu edhe kishte ndodhur.

Që nga shtatori 2022 Gerta është pjesë e Klubit të Basketbollit “Prishtina” ku edhe luan në Ligën U-16. Gerta ka pasur fat që është duke u stërvitur nga trajneri i mirënjohur i basketbollit, Ibrahim Karabeg, i cili kishte përfaqësuar Klubin e Basketbollit të Prishtinës gjatë sistemit jugosllav.

Falë rezultateve të mira që ka dëshmuar gjatë kësaj periudhe, Komuna e Prishtinës e ka shpallur Gertën ndër dhjetë sportistet më të mira për vitin 2022. Sigurisht që kjo mirënjohje do të jetë shtysë për rezultate edhe më të mira. Gerta vazhdon të stërvitet intensivisht në basketboll pesë ditë në javë, gjersa në ditën e gjashtë (zakonisht të shtunave) luan me skuadrën e Prishtinës në ligën U-16.

Në bazë të rezultateve të gjertanishme, Gerta është vërtet shpresë për të ardhmen e basketbollit për femra në Kosovë dhe më gjerë. Gerta është ndër ato talentet premtuese për ta përfaqësuar Kosovën në të ardhmen edhe në gara ndërkombëtare.

Përndryshe, Gerta është edhe nxënëse e klasës së 7-të ku vazhdon të jetë nxënëse e dalluar. Gerta edhe në shkollën fillore ku është e ka zënë vendin e parë në atletikë sa ishte në klasën e 6-të si dhe vendin e parë në pingpong tash në klasën e 7-të.

Urojmë që Gerta ta mbajë këtë tempo dhe të arrijë rezultate gjithnjë e më të mira.