Gërvalla dhe Bajrami përgatiten për takimin e radhës në Bruksel
Ministrja e Punëve të Jashtme dhe Diasporës (MPJ), Donika Gërvalla është në Bruksel dhe po përgatitet për takimin e përfaqësuesve të shteteve të Bashkimit Evropian, me ata të gjashtë shteteve të Ballkanit Perëndimor.
Lajmin e ka bërë me dije ambasadori i Kosovës në Bruksel, Agron Bajrami.
“Me ministren Gërvalla – Schwarz dhe ekipin e saj, në ambasadën në Bruksel, duke u përgatitur për takimin e EU27-WB6 në Këshillin e Punëve të Jashtme. Temat kryesore: Lidhja më e ngushtë dhe afërsia e Ballkanit Perëndimor me Bashkimin Evropian, në kontekstin e agresionit rus ndaj Ukrainës. Kosova nuk ka asnjë mëdyshje: Ne qëndrojmë krah Ukrainës”, ka shkruar Bajrami në llogarinë e vet në “Twitter”.
With Minister @gervallaschwarz and her team, at our Brussels Embassy, preparing for EU27-WB6 meeting at Foreign Affairs Council.
Main topic: Closer ties and alignment of #WB6 with #EU in the context of Russian agression on #Ukraine#Kosovo has no doubts: #WeStandWithUkraine pic.twitter.com/213nT4zJFD— Agron Bajrami (@AgronBajrami) May 16, 2022