Kryeministri i Kosovës Albin Kurti, po vazhdon që ta kompletojë stafin që do të shërbejnë në qeveri dhe dikasteret e saj.

Ai me këtë rast ka emëruar Getoar Mjekun, në pozitën e zëvendësministrit të Industrisë, Ndërmarrësisë dhe Tregtisë.

Lajmi është bërë me dije nga vetë Mjeku, nëpërmjet “Instagramit”.

Deri më tani, që prej formimit të qeverisë, Kurti ka përzgjedhur pesë zëvendësministra.

Përveç Getoar Mjekut, në pozitën e zëvendësministrave janë vendosur Hysen Durmishi (Ministria e Mjedisit, Planifikimit Hapësinor dhe Infrastrukturës), Enver Dugolli (Ministria e Mbrojtjes), Blerim Sallahu (Ministria e Drejtësisë) dhe Ilir Aliu (Ministria e Financave, Punës dhe Transfereve).