Partia Fjala ka mbajtur Kuvendin e II-të Zgjedhor.

Me 92 vota për, asnjë kundër dhe asnjë abstenim Gëzim Kelmendi është zgjedhur kryetar i partisë Fjala.

Në fjalimin e tij para delegatëve, Kelmendi tha se kjo parti do të punojë që të ndryshohet kjo mendësi politike.

“Do të punojmë që politikani të jetë në shërbim të qytetarit. E kemi kundërshtuar dhe do ta kundërshtojmë fuqishëm rritjen e pagës dhe privilegjeve tjera të politikanëve të Kosovës. Do të punojmë që të jetësohet amaneti i dëshmorëve të rënë për lirinë dhe Pavarësinë e Kosovës”, ka theksuar Kelmendi.

Ai ka thënë se populli i Kosovës nuk duhet të dorëzohet para të keqes aktuale në vendin tonë.