Ish-ushtari i Ushtrisë Çlirimtare të Kosovës dhe një prej tifozëve më të zjarrtë të FC KEK-ut dhe futbollit kosovar, Gëzim Zhilivoda, ka reaguar publikisht në përkrahje të presidentit të Federatës së Futbollit të Kosovës, Agim Ademi, pas shkrimeve të fundit tendencioze nga media të caktuara.

Në një postim në rrjetet sociale, Zhilivoda e ka quajtur Ademin “NATO e futbollit”, duke nënvizuar forcën dhe rezistencën e tij përballë sfidave që po kalon. Ai theksoi se rezistenca është shenjë e ecjes në rrugën e drejtë, duke treguar mbështetjen e tij të fortë për kreun e FFK-së.

“Rezistenca është shenjë që tregon se ju jeni duke ecur në rrugën e drejtë. Miku i vërtetë nuk vjen me kushte Gëzim Zhilivoda + NATO”, ka shkruar Zhilivoda, duke postuar një foto të përbashkët me Agim Ademin.