Trajneri i Kosovës, Alain Giresse ka thënë se ishte i kënaqur me fitoren 5:0 ndaj Burkina Fasos. Por, ai theksoi se ndaj Zvicrës, Kosova do të paraqitet me ekip krejt tjetër.

“Është e rëndësishme ta filloj karrierën time te Kosova me fitore. Jemi paraqitur me ekip ndryshe. Ndaj Zvicrës do të kemi ekip krejt tjetër. Dhe kjo do të na japë një ide të përgjithshme për ekipin e Kosovës. Shume me rëndësi të arrij fitoren më të lartë në ‘Fadil Vokrri’. Qëllimi ishte për t’i kënaqur. Me këtë fitore besoj se tifozët janë të kënaqur”, ka thënë Giresse.