Përfaqësuesja e Kosovës në futboll këtë muaj do t’i zhvillon dy ndeshje kualifikuese për “Euro 2024”. “Dardanët” më 16 qershor e presin në stadiumin “Fadil Vokrri”, Rumaninë derisa tri ditë më pas luajnë kundër Bjellorusisë.

Përzgjedhësi Alain Giresse ka bërë publik listën e futbollistëve për këto dy ndeshje.

Në listën e strategut francez nuk mungojnë risitë ku për herë të parë janë ftuar sulmuesit Jetmir Topalli dhe Ermal Krasniqi.

Kosova ndodhet në Grupin I në kualifikimet për “Euro 2024”, ku pas dy ndeshjeve të para ka vetëm dy pikë dhe synon që të marrë fitoren e parë.