Instituti Kombëtar i Shëndetësisë Publike të Kosovë (IKShPK) ka bërë me dije se në 24 orët e fundit në vendin tonë kanë vdekur gjashtë persona të prekur nga koronavirusi.

“Numri total i rasteve pozitive është 5 472 raste nga 30 005 persona të dyshimtë në virusin SARS-CoV-2, me gjithsej 124 raste të vdekjes të cilët kanë pasur sëmundje të tjera shoqëruese. Më datë 16 korrik 2020, janë shëruar 95 pacientë derisa numri i përgjithshëm i të shëruarve deri më sot është gjithsej 2 640 raste, kurse numri i rasteve aktive është 2 708”, ka njoftuar IKShPK-ja, raporton “Epoka e re”.