![](https://www.epokaere.com/wp-content/uploads/2021/03/franca-1.jpg)
‘Gjelat’ mposhtin Kazakistanin
28 mars 2021
| 17:12
Franca reagoi pas barazimit shtëpiak kundër Ukrainës dhe mori tre pikët e para në grupin D. Kampionët e botës fituan 0-2 në Kazakistan, duke siguruar fitoren e parë në takimet eliminatore të Botërorit Katar 2022.
“Gjelat” zgjidhën gjithçka në pjesën e parë. Ousmane Dembele zhbllokoi takimin në minutën e 19-të. Në fundin e pjesës së parë erdhi edhe autogoli i i Sergiy Maliy.
Skuadra e Deschamps e uli disi ritmin në pjesën e dytë. Gjithsesi, Franca kishte një mundësi të artë për të shënuar golin e tretë në minutën e 75-të, por Kylian Mbappe dështoi të realizonte nga pika e bardhë e penalltisë.