Të paktën 46 persona, që besohet se janë emigrantë, janë gjetur të vdekur në një kamion të braktisur në periferi të San Antonios, në Teksas të SHBA-së.

Një zyrtar i zjarrfikësve tha se 16 persona, përfshirë katër fëmijë, ishin dërguar gjithashtu në spital.

Ata që mbijetuan ishin “të nxehtë” kur i preken dhe ishin duke vuajtur dhe të lodhur nga nxehtësia, shkruan BBC, transmeton Express.

San Antonio, i cili është 250 km nga kufiri SHBA-Meksikë, është një rrugë kryesore tranziti për kontrabandistët e njerëzve.

Trafikantët e qenieve njerëzore shpesh përdorin kamionë për të transportuar emigrantë pa dokumente, pasi i takojnë ata në zona të largëta pasi ata arrijnë të kalojnë në Shtetet e Bashkuara.

“Ata kishin familje…dhe po përpiqeshin të gjenin një jetë më të mirë”, tha kryebashkiaku i San Antonio, Ron Nirenberg.

“Nuk është asgjë më pak se një tragjedi e tmerrshme njerëzore”.