Policia e Kosovës ka njoftuar se është duke hetuar dy raste të vdekjeve që kanë ndodhur të mërkurën në Prishtinë.

Njëri rast ka ndodhur në mëngjes, ku një grua ka raportuar se në rrugë ka vërejtur një person të shtrirë.

“Një femër kosovare  ka raportuar se në rrugë ka vërejtur në person të shtrirë. Njësiti policor dhe ekipi mjekësor kanë dal në vendin  ngjarjes ku nga mjeku kujdestar është konstatuar vdekja e viktimës mashkull kosovar”, është thënë në raportin 24-orësh të policisë.

Ndërsa rasti tjetër ka ndodhur në mesditë, ku gjithashtu është gjetur i shtrirë në rrugë një burrë.

“Raportohet se në rrugë është gjetur i shtrirë viktima mashkull kosovar. Në vendin  e ngjarjes kanë dal njësitet relevante policore dhe ekipi mjekësor ku është konstatuar vdekja e viktimës”, është thënë në raportin e policisë

Me vendim të prokurorit të dy trupat janë dërguar në Institutin e Mjekësisë Ligjore për obduksion.