Një person është gjetur pa shenja jete në një objekt të pa banuar në Mitrovicën e Jugut.

Lajmin e ka bërë me dije Avni Zahiti, zëdhënës për media në Drejtorinë Rajonale të Policisë në Mitrovicën e Jugut.

Ai ka thënë për “Klan Kosova” se në vendin e ngjarjes janë ekipet e policisë të cilat janë duke u marrë me rastin.

Zahiti ka theksuar se dyshohet që trupi i pajetë është i 66-vjeçarit që është raportuar si i zhdukur nga familjarët dje në polici.