Gjendja e pacientëve të prekur me koronavirus, stabile
19 mars 2020
| 13:03
Gjendja shëndetësore e personave të prekur me koronavirus është stabile. Kështu ka bërë me dije Valbon Krasniqi, infektolog në Klinikën Infektive të QKUK-së.
“Për momentin kemi 13 pacientë të shtrirë në Klinikë të konfirmuar me COVID-19. Gjendja e tyre shëndetësore është e mirë”, ka thënë Krasniqi për “Klan Kosova”.
Krasniqi ka theksuar se numri i mostrave që kanë arritur nuk mund të thuhet saktë, pasi sipas tij ndryshon në vazhdimësi.
Numri i personave të prekur me koronavirus në Kosovë ka shkuar në 20. Instituti Kombëtar i Shëndetit Publik në Kosovë, ka lutur qytetarët të qëndrojnë në shtëpi dhe të kujdesen për higjienën.