Ish-komandanti Suprem i NATO-s, Wesley Clark, ka vlerësuar një raport që administrata e presidentit Donald Trump po konsideron ndryshimin drastik të strukturës së saj të komandës ushtarake, duke argumentuar se vendimi i mundshëm do të pengonte bashkëpunimin ushtarak midis ShBA-së dhe Evropës dhe do të “kënaqte” Rusinë.

“Asgjë nuk do ta bënte Rusinë më të lumtur”, ka thënë Clark.

Është bërë me dije se kjo deklaratë vjen pasi Pentagoni po shqyrton një plan që do të rezultonte që ShBA të heqë dorë nga pozicioni i saj si komandant suprem aleat i NATO-s në Evropë, shkruan “The Hill”.

“Komandat luftarake të SHBA-së janë maja e shtizës luftarake amerikane. Prandaj, ne jemi shumë të shqetësuar për raportet që pretendojnë se Departamenti i Mbrojtjes po shqyrton ndryshime të njëanshme në çështjet kryesore strategjike, duke përfshirë reduktime të konsiderueshme të forcave amerikane të stacionuara jashtë vendit, mungesë të koordinimit me Shtëpinë e Bardhë dhe Kongresin”, ka thënë politikani Mike Rogers.

Një ditë më vonë, ish-udhëheqësi republikan i Senatit, Mitch McConnell, ka argumentuar nëse administrata do të vepronte sipas propozimit, kjo do të dobësonte në mënyrë drastike aleancën ushtarake të NATO-s, në të cilën ShBA ka mbajtur pozicionin e saj drejtues për gati 75 vjet.

“Dobësimi i udhëheqjes amerikane nuk do të forcojë interesat e NATO-s apo të ShBA-së. Nëse jemi seriozë për të inkurajuar aleatë më të aftë evropianë, tërheqja nga pozicioni ynë si udhëheqës i aleancës transatlantike do të ishte një mënyrë e çuditshme për ta treguar atë”, ka thënë McConnell në një deklaratë.

Ndryshe, Trumpi ka kritikuar më parë lojtarët kryesorë ushtarakë të Evropës për mos shpenzimin e parave të mjaftueshme për mbrojtjen dhe mosdhënien e një shume të përshtatshme në NATO, një pakt i krijuar në vitin 1949.

Presidenti ka bërë me dije thirrje për tërheqjen e ShBA-së nga aleanca gjatë mandatit të tij të parë në detyrë.