Raportohet se një vajzë 4 vjeçare me orgjinë shqiptare, humbi jetën pasi ra nga një ballkoni 11 katësh në Vernier, njofton albinfo.ch.

Policia kantonale e Gjenevës, në raportin e tyre tregojnë se vajza është e moshës 4 vjeçe. Në raport thuhet se rreth orës 08:30, vajza ra nga ballkoni 11 katësh. Ajo është gjetur e shtrirë pa shenja jete në pallatin e një ndërtese në Lignon. Rënia tragjike ndodhi mëngjesin e së enjtes së javës së kaluar në Avenue du Lignon.

“Rreth orës 8.30  policia u njoftua për zbulimin e një vajze katërvjeçare të shtrirë pa ndjenja rrëzë një pallati në lagjen Lignon”, pohoi prokurori.

Nga ana tjetër, edhe organet shëndetësore në Gjenevë e kanë konfirmuar se vazja është gjetur pa shenja jete dhe trupi i saj është vendosur për obduksioni.

Ndërkohë policia është duke hetuar rastin, lidhur me shkakun e kësaj ngjarje të rëndë. Fillimisht raporti tregon se vazja ishte në banesen e saj dhe hedhja e saj mund të ishte e rastësishme nga dritarja e banesës, shkruan tutje albinfo.ch.

Pas rënies së tmerrshme, rrethi Lignon është në tronditje, raporton edhe gazeta zvicerane “Tribune de Genève”. “Gjendja ka qenë dëshpëruese, askush nuk flet më për asgjë tjetër”, tha një banor.

“Është e tmerrshme për prindërit dhe gjyshërit e tyre. Gjyshja jeton aty pranë dhe ka dalë në vendin e aksidentit pas rënies fatale”, tregon banori.