Më 11 prill, të enjten, Gjermania do t’i dhurojë disa automjete për Forcën e Sigurisë së Kosovës (FSK).

Siç ka bërë të ditur Ministria e Mbrojtjes përmes një komunikate për media, ceremonia e pranim-dorëzimit të donacionit të automjeteve do të organizohet në kazermën e FSK-së, “Adem Jashari” në Prishtinë, duke filluar nga ora 10:30.

“Në kazermën e FSK-së, ‘Adem Jashari’, në Prishtinë, të enjten, më 11 prill, duke filluar nga ora 10:30, do të mbahet ceremonia e pranim-dorëzimit të donacionit të automjeteve nga Republika Federale e Gjermanisë për Forcën e Sigurisë së Kosovës”, thuhet në njoftim.

Në këtë ceremoni do të marrin pjesë Ministri i Mbrojtjes, Ejup Maqedonci,  komandanti i FSK-së, gjenerallejtënant Bashkim Jashari, ambasadori i Gjermanisë në Kosovë, Jorn Rohde, si dhe zyrtarë dhe oficerë të lartë vendorë dhe ndërkombëtarë.