Instituti për Sëmundje Ngjitëse “Robert Koch” njoftoi sot, se gjatë 24 orëve të kaluara në Gjermani janë shënuar 933 raste të reja të koronavirusit. Me këta të infektuar, numri i përgjithshëm i të prekurve me Covid-19 shkoi në 170 508 persona, shkruan “Reuters”.

Përpos të infektuarve, gjatë kësaj periudhe u shënuan edhe 116 vdekje të reja dhe numri i përgjithshëm i rasteve fatale shkoi në 7 533.

Gjermania është në mesin e vendeve evropiane me më së shumti të infektuar, por ka shkallë dukshëm më të ulët të vdekshmërisë në krahasim me Italinë, Spanjën, Francën dhe Britaninë e Madhe.

Qeveria gjermane i ka larguar disa masa të kufizimeve, por infektologët kanë paralajmëruar se ky vendim mund të shkaktojë rritje të numrit të rasteve.