Një prezantuese lajmesh në SHBA raportohet të ketë kryer vetëvrasje pasi dyshohet se gjeti të brendshme femrash në shtëpinë që ndante me të fejuarin e saj.

Neena Pacholke ndërroi jetë në moshën 27 vjeçare më 27 gusht raportuan mediat lokale të Uiskonsin.

Pacholke kishte vendosur të martohej me babanë e dy fëmijëve, Kyle Haase, 38 vjeç në Meksikë më 12 tetor. Vetëm disa javë më parë çifti bleu një shtëpi me vlerë rreth 400 mijë dollarë në zonën e Wausau. Miqtë kanë treguar se marrëdhënia e tyre ishte e trazuar.

“Ata gjithmonë grindeshin dhe dukej sikur Neena ishte më e dashuruar me Kyle se ai ishte me të”, tha një mik për mediat.

Miqtë e Pacholke pretendojnë se ajo kishte qenë e shqetësuar se Haase kishte lidhje me një ish-të dashur.

Pacholke dyshohet se i tha një shoqeje së fundmi se kishte gjetur një palë të brendshme femrash në shtëpinë e saj dhe të Haase.

Çifti gjithashtu thuhet se pati një përleshje në korrik kur Haase dyshohet se e përzuri Pacholke nga shtëpia e tij me qira. Ajo mori me qira një garazh dhe qëndroi në një hotel për 3 ditë derisa të dy u pajtuan.

“Nuk më ka pëlqyer kurrë. Ai ishte gjithmonë më i dehuri në bar. Ai fitoi para të mira dhe nuk kishte frikë t’ua bënte të ditur të gjithëve”, rrëfyen miqtë e vajzës për mediat.