Gjilani ka realizuar fitore shumë të rëndësishme ndaj Dukagjinit me rezultat 2-0.

Golin e parë në ndeshje e realizoi sulmuesi Mevlan Zeka në minutën e 28-të. Mysafirët u munduan të rikthehen në lojë, por pa sukses. Duket cekur se shtatë minuta pa përfunduar koha e rregullt e ndeshjes, Ardin Dallku i Dukagjinit u përjashtua me karton të kuq. Në minutat shtesë, Zeka realizoi edhe golin e dytë për vendasit për rezultatin final 2-0.

Pas kësaj ndeshje, Gjilani përforcohet në pozitën e tretë me 50 pikë, derisa skuadra nga Klina është e pesta me 41 pikë.