Skuadra e Gjilanit ka “aterruar” në token Letonese ku nesër (e enjte) zhvillon ndeshjen kthyese ndaj Liepajes në Ligën e Konferencës.

Gjilani takimin e parë të zhvilluar në stadiumin “Fadil Vokrri” e mbylli me fitore me rezultat 1:0 dhe krejt çfarë i duhet nesër është ta ruaj këtë epërsi.

“Ekipi zbarkon në Riga të Letonisë. Pasdite zhvillon seancën e fundit stërvitore në Daugava Stadium të Liepajës, para duelit kthyes të së enjtes”, ka shkruar SC Gjilani. Ndeshja Liepaja – Gjilani luhet nesër nga ora 16:00.