Derbi më i madh në futbollistin e Kosovës mes Gjilanit dhe dritës do të zhvillohet të mërkurën.

Klubi i Gjilanit nëpërmjet një njoftimi për medie ka bërë të ditur se vetëm 30% e kapacitetit të tribunave do të jetë në dispozicion për shkak të masave anti-Covid.

“Për shkak të masave anti-Covid të vendosura nga Qeveria e Republikës së Kosovës dhe punimeve në stadiumin e qytetit, numri i tifozëve dhe pjesëmarrësve për këtë takim do të jetë i limituar në 30% të kapacitetit të tribunave të cilat janë në dispozicion”, thuhet në njoftimin e klubit të Gjilanit.

Njoftimi i plot i SC Gjilani:

Sport Club “Gjilani” njofton se ndeshjen e xhiros së XV-të në BKT Superligën e Kosovës ndaj kundërshtarit FC Drita e zhvillon në stadiumin e qytetit “Agim Ramadani – Katana” në Gjilan.

Për shkak të masave anti-Covid të vendosura nga Qeveria e Republikës së Kosovës dhe punimeve në stadiumin e qytetit, numri i tifozëve dhe pjesëmarrësve për këtë takim do të jetë i limituar në 30% të kapacitetit të tribunave të cilat janë në dispozicion.

Tribunat e hapura për tifoz në këtë përballje do të jenë prapa portave (Sektori Perendim – Lindje) dhe do të jenë të monitoruara nga forcat e rendit, Policia e Kosovës dhe sigurimi privat.

Dyert e tribunave do të hapen nga ora 11:30 dhe lusim tifozët që të vijnë sa më herët në stadium në mënyrë që të shmangin rrëmujën para hyrjes.

Personat të cilët identifikohen për shkeljen e rregullave anti-Covid dhe mos zbatim të urdhërave nga forcat e rendit do të penalizohen me largim nga stadiumi.

Për masat të cilat duhet rrespektuar në ditën e ndeshjes (24/11/2021), klubi do ju informoj me kohë përmes njoftimit në faqet zyrtare të klubit në rrjetet sociale “Facebook”, “Instagram” dhe “Tëitter”.

Duke kërkuar mirëkuptimin tuaj lusim që të kontriboni në mbarëvajtjen e kësaj ndeshje duke ju përmbajtur të gjitha masave të parapara.