Kryetari i Komunës së Gjakovës, Ardian Gjini, ka pritur të enjten në takim shefin e zyrës së Këshillit të Evropës në Kosovë, Frank Power.

Ata biseduan për bashkëpunimin në mes të Këshillit të Evropës dhe Komunës së Gjakovës, veçanërisht për projektet për edukimin e fëmijëve me aftësi të kufizuara dhe atyre të komuniteteve joshumicë.

Kryetari Gjini u shpreh mirënjohës ndaj Powerit për vizitën dhe mbështetjen e vazhdueshme të Zyrës së Këshillit të Evropës për Komunën e Gjakovës.