Burrat gjirokastritë pranojnë se janë 100 për 100 me grarë dhe nuk janë çyruk. Gjatë vizitës së Edi Ramës në Gjirokastër, ka bërë përshtypje një parullë e vendosur në miret e kalasë, ku shkruhej “Burrat gjirokastritë janë 100% me gratë”. Një përgjigje, kjo ndaj reagimeve seksiste të provokuara nga pjesa mashkullore e opozitës, që është ndjerë e fyer nga batutat e Edi Ramës për burrat “çyrykë”.

Me gratë në Gjirokastër kryeministri Edi Rama tha se Shqipërinë në BE mund ta çojë vetëm ai dhe skuadra e Partisë Socialiste. Rama theksoi se Shqipëria është shteti i vetëm që mund të mbyllë negociatat me BE-në brenda tre vjetëve. Si shembull mori Maqedoninë dhe Serbinë, të cilat i kanë nisur negociatat shumë para nesh, por janë shumë hapa mbrapa.

Rama tha se tashmë BE ka sjellë në tavolinë planin për të mbyllur negociatat dhe Shqipëria e as Partia Socialiste nuk duhet të humbasë kohë me grindjet politike, por të bëjë vendin pjesë të familjes së madhe europiane.