Sekretari Elektoral i PDK-së, Betim Gjoshi, ka komentuar raportimin e sotshëm para deputetëve të ish-kryetarit të Asamblesë së gjyqtarëve të EULEX-it, Malcolm Simmos.

Në profilin e tij në “Facebook”, ai ka shkruar se Simmons ka folur edhe përkundër heshtjes së vazhdueshme dhe refuzimit të Albin Kurtit për ta dëgjuar.

“Malcolm Simmos, kryetari i asamblesë së gjyqtarëve të EULEX-it, foli. Simmons foli edhe përkundër heshtjes së vazhdueshme dhe refuzimit të Albin Kurtit për ta dëgjuar. E vërteta po i dhemb Albin Kurtit, njeriu që dikur ia rrotullonte makinat EULEX-it. Gjithçka që Albin Kurti ka bërë kundër EULEX-it ka qenë vetëm një shtihim i neveritshëm”, ka shkruar ai.